O Día da Ciencia en Galego achega 6.000 alumnos ao Laboratorio Europeo de Física de Partículas

Cen institutos da comunidade seguiron unha videoconferencia con varios físicos galegos dende distintas partes do mundo (no que tamén participou o I.E.S Otero Pedrayo) 05.11.2012

 

Uns seis mil alumnos dun cento de dun cento de institutos galegos seguiron o día 6, dende os seus centros unha videconferencia en tempo real sobre física de partículas protagonizada por varios físicos galegos que traballan en experimentos do Laboratorio Europeo de Física de Partículas (CERN) dende Santiago, Lisboa e a propia sede da institución, en Xenebra. Os participantes nesta actividade, organizada pola USC co gallo do Día da Ciencia en Galego, poderon achegar aos investigadores do maior acelerador de partículas do mundo as súas preguntas a través de Twitter co hashtag #cienciaetecnoloxiaengalego, que os organizadores aspiraron a  convertelo en trending topic do día.

Na videoconferencia participaron:  

Patricia Conde, investigadora no LIP de Lisboa e física do experimento ATLAS do CERN; 

Olalla Castro, profesora no City University en Londres e investigadora en teoría cuántica de campos;

 Abraham Gallas, investigador no CERN e na USC e físico no experimento LHCb do CERN; 

Carlos Salgado, e investigador no CERN e na USC no ámbito do estado da materia nos primeiros instantes do Universo; e Cibrán Santamarina, profesor da USC e investigador no experimento LHCb do CERN.